टीकापुरमा भारतबाट अवैध रूपमा ल्याइएको ठूलो परिमाणको माछा प्रहरीले बरामद गरी नष्ट गरेको छ।
टीकापुर वडा नं. ९ खक्रौलाबाट प्रहरीले तीन जनाबाट जम्मा १७४ किलो माछा फेला पारेको हो। छुट्टाछुट्टै मोटरसाइकलमा ल्याइँदै गरेको माछामध्ये जानकी गाउँपालिका वडा नं.२ बढरियाका ४० वर्षीय प्रदेशु चौधरीले चलाएको सु.प.प्र.०१०००१२ प ५०५१ नम्बरको मोटरसाइकलमा ९८ किलोग्राम, टीकापुर नगरपालिका वडा नं.१ शक्तिनगरका ३४ वर्षीय दिनेश चौधरीले चलाएको से.५ प.८४५७ नम्बरको मोटरसाइकलमा ३९ किलोग्राम माछा बरामद गरिएको थियो ।
बरामद गरिएको माछा सत्ती भन्सार कार्यालयमा बुझाएर त्यहीँ नष्ट गरिएको साथै तीनै जना र प्रयोग भएका मोटरसाइकल माथि जरिवाना सहित कारबाही गरिएको भन्सार कार्यालयका प्रमुख चक्रबहादुर सोनीले जनाएका छन् ।
प्रकाशित : २०८३ बैशाख ५ शनिबार प्रकाशित
समाचार 
